ss_blog_claim=654b82dee1aa57a4f3e3c2ba6aa71943



Isa na namang bukang liwayway ang sumalubog sa kawal na ito, mula sa pagkakahimlay sa higaan ng pako sa mundo ng karimlan. Suminag muli ang araw sa dakong silangan…

Humarap ako sa salamin, at nagliwaliw. Maraming salamin sa paligid, at sa bawat tingin ko sa salamin ay iba ang nakikita ko dito. May salamin na ako’y nakangiti, may salamin na ako’y walang kibo, may salamin na ako’y napapatawa, may salamin na tinatalbugan ng sinag ng araw, at mayroon ring ilang mga salamin na ako’y napapaisip… napapaisip na buwagin na dapat ang Burlam Wall.

Hindi na kinakailangan ang Burlam Wall. Marami na itong grafitti, at ngayon nga ay puro kababuyan na ang nakalagak rito… matagal na akong nakatalikod sa Burlam Wall, kaharap ang mga bagong magagandang bagay sa buhay. Naubos na ang spraypaint ko, at mukhang wala na akong balak bumili pa… Kelangan na talagang buwagin ang Burlam Wall.

Buong tapang kong pinaghirapang gawan ng grafitti ang Burlam Wall, pero, ganun na lang ba kadaling buwagin ito? Oo… sa bagay, hindi naman ako ang nagpahina sa pundasyon ng Burlam Wall, kaya’t madadalian lang akong buwagin ito…

Sa bagay, hindi na naman ginagampanan ng Burlam Wall ang misyon nito, kaya’t nararapat lang itong buwagin…

Haaayyy… mamaya’y makikipag-indayog ako sa sayaw ng ilaw at musika ng mga bituin. Kasama ko ang aking mga kapwa kawal, kami’y sasabak sa madilim na panig ng daan, sana’y ang aking armas ay di maubusan. Kailangan ko pa ng maraming armas para sa pagpunta namin ng araw sa mundo ng liwaliw at kaligyahan, sasamahan ko kasi ang araw na mamitas ng prutas para ipalamuti sa kanyang katawan…

Haaayyy… miss ko na ang sinag ng araw… kelan kaya sya papasok sa mundong akin ngayong ginagalawan?


Leave a Reply

XHTML: You can use these tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>