ss_blog_claim=654b82dee1aa57a4f3e3c2ba6aa71943

Huy!

Nagulat ako sa isang sigaw ng pulubing kanina ko pa hindi pinapansin. Matagal-tagal na rin pala akong nakaharap, nakatitig, wala pang limang pulgada, sa isang napakahabang dingding na tinatawag na Burlam Wall.

Napakahaba ng Burlam Wall. Ang Burlam wall, kung tutuusin, ay mas mahaba pa sa Great Wall of China. Matagal na pala akong nakatulala sa isang parte ng Burlam Wall. Napatulala… di alam kung uusad pa.

Ang Burlam Wall ay punung-puno ng grafitti. Grafitti ng iba’t ibang kulay, disenyo, anyo at higit sa lahat, saysay. Matagal-tagal ko na ring pinupuno ang Burlam Wall ng grafitti. Oo, ako, gamit ang isang mauubos nang spraypaint, ang nagsusulat ng napakaraming grafitti sa dingding ng Burlam Wall.

Marami akong sinusulat sa Burlam Wall. Minsan nga sa dami nilang nakasalampak sa Burlam Wall ay di ko na sila maintindihan. Dahan-dahan, pinapagalaw ko ang aking kamay upang makabuo ng bagong korteng ilalapat sa Burlam Wall. Madalas akong magkamali, mahirap ika nga, pero sige pa rin.

Habang isang araw, napatigil na lang akong bigla sa paggawa ng grafitti. Napansin kong ang baboy-baboy na ng mga grafitting nagagawa ko. Labu-labo na, kahit ako di ko na rin maintindihan. Ang gulo… patong-patong… parang nag-gi-giyera ang mga grafitti sa dingding ng Burlam Wall.

Napatulala ako… di ko alam ang gagawin sa napakapangit na grafitti na nagawa ko…

Napatulala ako ng maraming minuto, nang bigla nga akong sinutsutan ng pulubing matagal na’kong sinusundan sa paggawa ko ng grafitti sa Burlam Wall, ngunit di ko pinapansin. Salamat sa kanya, bigla akong naalimpungatan. Ang gulo nga talaga ng ginawa ko… hay anubayan…

Matagal pala ako talagang nakatitig sa Burlam Wall. Hay… buti na lang sinutsutan ako nung pulubi. Ang pangit ng nasa harapan ko! Pero nung sinutsutan nya ako… pinatingin nya sa’kin ang paligid ko. Akala ko mas maganda pa ang Burlam Wall kesa sa nasasa paligid ko… hindi pala! Ang ganda!!! Halos lumuwa ang aking mata nang makita ko ang kagandahang nasa paligid ko…

Nakita ko ang araw na papasikat sa gitna ng dalawang burol… ang ganda! Nakita ko ang bahagharing puno ng kulay at nagsasayaw sa senyales ng araw… ang ganda! Nakita ko ang isang napakagandang usa, pero sya’y mukhang nanghihina… pero ang ganda pa rin! Nilapitan ko ang usa at tinulungan sya… ngayon ay medyo ayos na naman sya…

Ang dami kong magandang nakita! Ito pala ang tinatawag nilang mundo! Bakit ba ako nagpakapagod magpinta ng grafitti sa Burlam Wall?! May mas gaganda pa pala kesa sa kung anong ginagawa ko sa Burlam Wall!

Haaayyyy… sa sobrang ganda ng aking paligid ay masasabi kong, maaari na akong humimlay…

Salamat Kuya Jess!

*nyahahay nanggaya na… pero mas magaling pa rin si Jav!*


Leave a Reply

XHTML: You can use these tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>